Қазақстандық таэквондошы ару Оңтүстік Кореяда қола жеңіп алды
Қазақстандық таеквондошы Айдана Құмартаева Кореяның Муджу қаласында өткен әлемдік Гран-при сериясының беделді кезеңінде қола медаль жеңіп алды. Спортшы 49 келіге дейінгі салмақ дәрежесінде үздік үштіктен көрінді, деп хабарлайды Prosports.kz.
Құмартаева жүлдеге жету жолында бірнеше қарсыласын жеңді. Алғашқы жекпе-жекте германиялық Супхарада Атеслиден басым түсіп, кейін Коста-Рика өкілі Джейси Бассетті ұтты.
Ширек финалда қазақстандық спортшы франциялық Мах Тенинбу Фофананы 2:0 есебімен жеңіп, жүлдеге кепілдік берді.
Жартылай финалда Айдана Құмартаева Қытай Тайбэйінің өкілі, әлем чемпионы Лю Ю-юнмен кездесті. Қазіргі әлем чемпионы 2:0 есебімен жеңіске жетіп, қазақстандық таеквондошының финалға шығуына жол бермеді.
Осылайша, Айдана Құмартаева Гран-при кезеңінің қола жүлдегері атанды.