Kazakhstan Open: Қазақстан жастар құрамасы 27 жүлде жеңіп алды

Таеквондодан Қазақстан жастар құрамасы Астана төрінде өтіп жатқан Kazakhstan Open халықаралық турнирінде бірінші орын алды, деп хабарлайды Prosports.kz.

Ел спортшылары 5 алтын, 6 күміс және 16 қола медаль жеңіп алып, барлығы 27 жүлде еншіледі.

Екінші орынға Түркия, үшінші орынға Ресей құрамасы тұрақтады.

Айта кетейік, бұған дейін ересектер арасындағы жарыста Қазақстан 3 алтын, 3 күміс және 7 қола медаль жеңіп, жалпы есепте екінші орынға жайғасқан еді.

Бүгін, 27 маусымда жасөспірімдер арасында жарыстар өтуде.