Путинцева Циньвэньмен тартысты матч өткізді

АҚШ ашық чемпионатының әйелдер арасындағы жекелей сындағы екінші айналымы аясында матч өтті, деп хабарлайды Prosports.kz.

Қазақстанның екінші ракеткасы Юлия Путинцева (WTA рейтингінде 84-орын) Қытай өкілі Чжэн Циньвэньмен (әлемдік рейтингте 121-орын) кездесті. Қазақстандық теннисші келесі айналымға өте алмады.

Юлия алғашқы сетте жеңіліп қалғанымен, екінші партияда сенімді ойнап, есепті теңестірді. Алайда шешуші сетте қытайлық теннисші бастаманы өз қолына алып, кездесуді жеңіспен аяқтады — 4:6, 6:2, 6:1.

Матч 2 сағат 37 минутқа созылды. Кездесу барысында Путинцева 3 эйс жасап, қарсыласының добын 4 рет қайтарды және 4 рет қос қателік жіберді.

Ал Циньвэнь 9 эйс жасап, бірде-бір қос қателікке жол бермеді. Сонымен қатар Қытай өкілі 5 брейк жасады.