Тазабек Баянов OCTAGON 88 турнирінде жеңіске жетті

Қазақстандық жеңіл салмақтағы файтер Тазабек Баянов OCTAGON 88 турнирінде өзбекстандық Изатилло Кодировты бірінші раундта тұншықтыру әдісімен жеңіп, мансабындағы барлық жекпе-жегін мерзімінен бұрын аяқтау дәстүрін жалғастырды, деп хабарлайды Prosports.kz.

Баянов кәсіби мансабындағы алтыншы жеңісіне қол жеткізіп, жеңіліссіз сериясын сақтап қалды. Бұл жеңіс оны OCTAGON ұйымының жеңіл салмақтағы чемпиондық белбеуіне басты үміткерлердің біріне айналдырды.

Қазір аталған дивизионның чемпионы – қазақстандық, жеңіліс көрмеген Саят Абдуали (8-0).