Абылай Мырзабек қырғыз қарсыласын жеңіп кетті

Қазақстандық файтер Абылай Мырзабек OCTAGON 88 турнирінде Қырғызстан өкілі Исламбек Қаныбек уулын мерзімінен бұрын жеңді, деп хабарлайды Prosports.kz.

Бұл оның кәсіби мансабындағы алтыншы жеңісі. 

Жеңіл салмақта өткен жекпе-жекте Мырзабек алғашқы секундтардан басымдық танытып, бірінші раундтың соңғы минутында қарсыласын техникалық нокаутпен жеңді.

Айта кетелік, Абылай Мырзабек кәсіби мансабындағы алтыншы жеңісіне жетті. Ал OCTAGON 88 турнирінің басты жекпе-жегінде уақытша BMF белбеуі үшін Камариддин Хасанов пен Одилхон Камолов кездеседі.