Қазақстандық чемпион шетелде оқу-жаттығу жиынын өткізеді
Қазақстандық боксшы Жәнібек Әлімханұлы келесі жекпе-жегіне дайындықты бастағанын мәлімдеді, деп хабарлайды Prosports.kz.
Чемпион әлеуметтік желідегі парақшасында жаттығу процесіне кіріскенін және жақын күндері шетелге оқу-жаттығу жиынына аттануды жоспарлап отырғанын жазды.
«Біз тарих жазу жолын жалғастырып келеміз. Алдымызда үлкен мақсаттар тұр. Жанкүйерлердің сенімін ақтап, көк туымызды тағы да биікке көтеру үшін бар күшімізді саламыз», – деді Жәнібек Әлімханұлы.
Боксшының айтуынша, жиын өтетін нақты орын алдағы күндері анықталады.
Еске салайық, 2025 жылдың соңында қазақстандық спортшының айналасында допинг дауы туындаған еді. Соның салдарынан WBA чемпионы Эрисланди Ларамен өтетін біріктіру жекпе-жегі тоқтатылды.
Тергеу қорытындысы бойынша Жәнібек Әлімханұлы IBF чемпиондық белбеуінен айырылып, WBO ұйымы тарапынан 2026 жылдың 2 желтоқсанына дейін шеттетілді.
Күтіліп отырғандай, дисквалификация мерзімі аяқталғаннан кейін қазақстандық боксшы рингке оралып, WBO уақытша чемпионы Дензел Бентлиге қарсы титулын міндетті түрде қорғайды.