Қазақстандық теннисші екінші айналымға шықты

Қазақстанның жұптық сындағы бірінші ракеткасы Анна Данилина «Ролан Гаррос» турнирін сәтті бастады, деп хабарлайды Prosports.kz.

Қазақстандық теннисші сербиялық Александра Круничпен бірге жарыстың екінші айналымына өтті.

1/32 финалда Данилина мен Крунич чехиялық Джесика Малечкова мен Мириам Скох жұбын сенімді түрде 6:4, 6:1 есебімен жеңді.

Матч 1 сағат 25 минутқа созылды.

Келесі айналымда қазақстандық-сербиялық жұп австралиялық Майя Джойнт пен бельгиялық Ханне Вандевинкельге қарсы ойнайды.

Айта кетейік, «Ролан Гаррос»-2026 турнирінің жалпы жүлде қоры 72 миллион долларды құрайды.