Рыбакинаны қапы қалдырған теннисші WTA турнирін жеңіп алды

Әлемнің 10-ракеткасы Элина Свитолина осы маусымдағы екінші WTA турнирінде жеңіске жетті, деп хабарлайды Prosports.kz.

Финалда украиналық теннисші әлемнің төртінші ракеткасы Кори Гауффты 6:4, 6:7, 6:2 есебімен жеңді.

Осылайша Свитолина биылғы маусымдағы екінші титулын иеленді. Бұған дейін ол Оклендтегі турнирде де чемпион атанған болатын.

Айта кетейік, ширек финалда Свитолина қазақстандық Елена Рыбакинаны үш сетте жеңген еді — 2:6, 6:4, 6:4. Турнир барысында украиналық теннисшіге ең көп қарсылық көрсеткен қарсылас та Рыбакина болды.