Асия Даир: «Қазақстанда теннис әлсіз»

<p style="text-align: justify;"> <strong>Теннистен жастар арасында бірнеше рет Қазақстан чемпионы атанған 20-жасар Асия Даир еліміздегі теннистің кемшіліктерін атап, болашақта Қазақстан туын көкке көтергісі келетінін айтты. </strong></p> <p style="text-align: justify;"> <strong>- Асия, үлкен тенниске қалай келдіңіз? </strong></p> <p style="text-align: justify;"> -Әкемнің нұсқауымен 2002-ші жылы Шымкентте тенниспен айналаса бастадым. Басында ағамызбен &laquo;Сұңқар&raquo; спорт кешенінде жаттыққанбыз. Кейін, Алматыдағы &laquo;Мақсат&raquo; теннис Академиясында тәлім алдық. Ағамнан гөрі менің теннистегі жетістіктерім молырақ болды. Жасөспірімдер арасындағы бірнеше жарыстарда жеңіске жетіп, жастар арасындағы әлемдік WTA рейтингісінде үздік 30 теннисшінің қатарына кіргенмін.</p> <p style="text-align: center;"> <img alt="" src="/cms/uploads/images/ShuiBRgcssU.jpg" style="width: 600px; height: 442px;" /></p> <p style="text-align: justify;"> <strong>- Көп уақыт болды үлкен жарыстарға қатысып жүрген жоқсыз, неліктен? </strong></p> <p style="text-align: justify;"> - Оқуға байланысты уақытша тенниспен айналасуды тоқтаттым. Бір жылдан аса уақыт болды АҚШ-тың Бостон қаласында білім алып жүрмін. Boston College атынан түрлі жарыстарға қатысудамын. Бір кездері теннисті тастағым келген, бірақ қазір АҚШ-та тыңғылықты дайындалып, әлі де Қазақстан туын көкке көтеремін деген үміттемін.</p> <p style="text-align: justify;"> <strong>- Жалпы, Қазақ теннисінің кемшіліктері жайлы айтып берсеңіз? </strong></p> <p style="text-align: justify;"> - Қазақстанда теннис әлсіз. Сондықтан да біздің теннисшілердің халықаралық турнирлердегі нәтижелері көңіл қуантарлық емес. Жалпы, Қазақстанда талантты спортшы кім десек, тек Головкин ғана еске түседі. &laquo;Зарина Дияс ше?&raquo; деп айтатындар да бар, бірақ Зарина тенниспен толыққанды Чехияда айналаса бастады. Зарина өзінің еңбегі арқасында биік белестерге жетіп, қазір үнемі үлкен жарыстарда бақ сынауда.</p> <p style="text-align: center;"> <img alt="" src="/cms/uploads/images/getattach.jpg" style="width: 600px; height: 596px;" /></p> <p style="text-align: justify;"> <strong>- Бұрындағы бір сұқбатыңызда Серена Уильямспен бірге жаттығу өткізгеніңізді айтқан болатынсыз. Бұл қаншалықты рас? </strong></p> <p style="text-align: justify;"> - Жоқ, мен онымен тек сөйлесіп, фотоға ғана түстім. Серена Уильямс &ndash; менің теннистегі кумирім. Оның үнемі шабуылдау стилі маған жақын. Өзбасым Серенаның ойынына еліктеймін. Сондай-ақ, маған Роджер Федерер мен Новак Джокович ұнайды. Аталмыш теннисшілердің бәрі &ndash; ұлы спортшылар.</p> <p style="text-align: center;"> <img alt="" src="/cms/uploads/images/getattachjj.jpg" style="width: 600px; height: 585px;" /></p> <p style="text-align: center;"> &nbsp;</p> <p> <em>Фотолар теннисшінің әлеуметтік желідегі ресми парақшасынан алынған* </em></p> <p> &nbsp;</p> <p align="right"> <em>Дайындаған: Қайсар ОҚАС </em></p>