Александр Бублик Галледегі ATP 500 турниріне қатысады
Қазақстанның бірінші ракеткасы Александр Бублик Галле қаласында өтетін ATP 500 турниріне қатысатынын растады, деп хабарлайды Prosports.kz.
Германиядағы жарыс 15-21 маусым аралығында өтеді. Қазақстандық теннисші бұл турнирде өткен маусымда сәтті өнер көрсетіп, чемпион атанған еді.
Өткен жылғы финалда Александр Бублик әлемнің бірінші ракеткасы италиялық Янник Синнерді 3:6, 6:3, 6:4 есебімен жеңген болатын.
Қазірдің өзінде Галледегі шөп төсенішіндегі турнирге Даниил Медведев, Андрей Рублёв, Александр Зверев, Бен Шелтон, Тэйлор Фриц, Феликс Оже-Альяссим, Флавио Коболли, Фрэнсис Тиафо, Жоао Фонсека және Ник Кириос қатысатыны белгілі болды.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или