Қазақстан жасөспірімдер құрамасы іріктеуден бірінші орынмен шықты

Теннистен Қазақстан жасөспірімдер құрамасы Малайзиядағы ITF World Junior Tennis Competition іріктеуінде топтан бірінші орынмен шықты, деп хабарлайды Prosports.kz.

Құрама сапында Владислава Шек, Адема Алсейпулова және Айым Қанағатова өнер көрсетуде, команда капитаны Марат Шәріпов.

Қыздарымыз жарыс жолында Тайбэй мен Шри Ланканы 3:0 есебімен, ал Тайландты 2:1 тізе бүктірді.

Енді ширек финалда Оңтүстік Кореямен кездеседі. Бұл матчта жеңіске жетсе Қазақстан құрамасы тамызда Чехияда өтетін әлем чемпионатына жолдама алуы мүмкін.