Қазақстандық теннисші Мадридтегі турнирді жеңіспен бастады

Қазақстанның екінші ракеткасы Юлия Путинцева Испания астанасында өтіп жатқан WTA 1000 санатындағы турнирдің екінші айналымына жолдама алды, деп хабарлайды Prosports.kz.

Әлемдік рейтингте 80-орында тұрған қазақстандық теннисші алғашқы айналымда WTA рейтингінің 51-сатысындағы чехиялық Тереза Валентовамен кездесті. 2 сағат 53 минутқа созылған кездесуде Путинцева 6:4, 4:6, 6:3 есебімен жеңіске жетті.

Енді ол турнирдің келесі кезеңінде WTA рейтингінде 23-орында тұрған украиналық Марта Костюкпен кездеседі.

Айта кетейік, Мадрид турнирінің жалпы жүлде қоры 8 235 540 еуроға тең. Ал жекелей сында чемпион атанған теннисші 1 007 165 еуро мен 1000 рейтингтік ұпайға ие болады.

Рыбакинаның Мадрид турниріндегі қарсыластары анықталды

Бублик пен Шевченко Мадрид мастерс турнирінде бақ сынайды