Қазақстандық теннисші келесі айналымға өтті

Қазақстандық теннисші Михаил Кукушкин Қытайда өтіп жатқан Challenger турнирінде сәтті бастады, деп хабарлайды Prosports.kz.

1/16 финалда ол қытайлық Цзе Цуйді үш сетте жеңді – 4:6, 6:4, 6:1. Матч екі сағаттан астам уақытқа созылып, ауа райына байланысты бірнеше рет үзіліс болды.

Осы нәтижеден кейін қазақстандық теннисші турнирдің екінші айналымына өтті. Келесі кезеңде ол австралиялық Блэйк Эллиспен кездеседі.

Қазіргі таңда Кукушкин әлемдік рейтингте 283-орында тұр және Challenger сериясында ұпай жинауды жалғастырып жатыр.