Геннадий Головкин қарағандылық мектепке тосын сый жасады

<p style="text-align: justify;"> <strong>Қазақстандық бокшы Геннадий Головкин Қарағандыдағы орта мектептердің бірінің оқушыларына тосын сый жасады.</strong></p> <p style="text-align: justify;"> ҚазАқпараттың хабарлауынша, 3 ақпанда спортшы күтпеген жерден Әлихан Бөкейханов атындағы №76 мектепке барды. Спортшы мектепке бос қол &nbsp;келмеді. Ол секция оқушыларына қолғап, тағы басқа да спортқа қажетті заттарды сыйға тартты. Жас спортшыларға бапкерлерін тыңдауды, табысқа жету жолында өздеріне сенуді тіледі.</p> <p style="text-align: justify;"> Головкин өзінің мектепке баратыны жайлы баспасөзге хабарламағанын атап өткен жөн. Бұл туралы өз фейсбугінде Ботабек Тілегенов хабарлады.</p> <p style="text-align: justify;"> &laquo;Маған Геннадий олардың мектептерінде екенін ұстаздардың бірі айтты. Менің келіп түсіруімді сұрады. Мен бірден сол мектепке тарттым. Ол жерде басқа БАҚ өкілдері болмады&raquo;, - деп жазды Тілегенов.</p> <p style="text-align: justify;"> №76 мектеп Головкин туып-өскен Қарағанды қаласының Майқұдық ауданында орналасқан. Ол өзі №6 мектепте оқыған.</p> <div> &nbsp;</div>