Харольд Ледерман: «Джейкобс Головкинмен жұдырықтасса, қыруар пайда табады»

<p style="text-align: justify;"> <strong>Бокс көрсетілімдері кезінде өткір сын айта білуімен танымал НВО сарапшысы Харольд Ледерман WBA нұсқасы бойынша әлемнің &laquo;қарапайым&raquo; чемпионы Дэниел Джейкобс (31-1, 28 KO) әлемге танылу, сондай-ақ бокс тарихында өз есімін қалдырып кету мүмкіндігінен айырылып отыр деп санайды.</strong></p> <p style="text-align: justify;"> ҚазАқпараттың мәлімдеуінше, бұның себебі қарапайым: америкалық боксшы орта салмақтағы (72,6 келіге дейін) көшбасшы Геннадий Головкинмен &nbsp;(34-0, 31 КО) 23 сәуірге жоспарланған жекпе-жекке шығуға аса ниет танытпай отыр. Оның орнына қазақстандық боксшы бокстың көптеген жанкүйерлерінің көңілінен шыға қоймайтын Доминик Уэйдқа &nbsp;(18-0, 12 КО) қарсы шығады.</p> <p style="text-align: justify;"> &laquo;Дэнни Джейкобс қайда? Ол үздіктермен жұдырықтасқысы келетінін жай ғана айтады. Бірақ бұл ретте GGG-мен жекпе-жекке шыққысы келмейді. Егер оны қаласа, 23 сәуірде Бруклиндегі рингке шығатын еді. Бұл тамаша жекпе-жек болатын еді!&raquo;, - деп жазды Ледерман.</p> <p style="text-align: justify;"> Еске сала кетейік, Джейкобс НВО-мен бұрыннан іс жүргізбейтін бокс функционері Эл Хэймонмен келісімшарт орнатқан. &nbsp;Хэймонның спортшылары Premier Boxing Champions жобасының аясында түрлі тегін арналарда шығып жүр. Айта кетейік, Дэннидің соңғы болған жекпе-жегін НВО-ның аудитория үшін үнемі бәсекелесі Showtime арнасы көрсеткен.</p> <p style="text-align: justify;"> &laquo;Міндеттемелер мен барлық саясатты қоя тұрып, ақша бар жерге бару керек. Дэнни Головкинмен жұдырықтасудан миллиондар табады, ал егер оны жеңсе, орта салмақтың нағыз чемпионы атанады. Джейкобс 23 сәуірде Barclays Center-да Геннадийді жеңсе, оның аты аңызға айналады&raquo;, - деп Джейкобсқа кеңес берді сарапшы.&nbsp;</p> <p style="text-align: justify;"> &nbsp;</p> <div> &nbsp;</div>