Рио Олимпиадасының жүлдегері атанғандарға берілетін сыйақы мөлшері белгілі болды

<div style="text-align: justify;"> <strong>Биыл Бразилия астанасы Рио-де-Жанейрода өтетін Жазғы Олимпиадада чемпион атанған және жүлдеге іліккен отандық спортшылардың сыйақысы осыдан төрт жыл бұрынғы Лондон Олимпиядасының сомамен бірдей болады. </strong></div> <div style="text-align: justify;"> &nbsp;</div> <div style="text-align: justify;"> Атап айтқанда, Үкіметтің 2014 жылдың 19 желтоқсанындағы №1345 Қаулысына сай алтын медаль алған спортшыларға мемлекет тарапынан 250 мың АҚШ доллары беріледі. Сондай-ақ, күміс медаль үшін &ndash; 150 мың, ал қола жүлдеге 75 мың доллардан тағайындалған.</div> <div style="text-align: justify;"> &nbsp;</div> <div style="text-align: justify;"> Сонымен қатар, үздік алтылыққа енген спортшыларға да сыйақы берілмек. Яғни, 4-орынға &ndash; 30 мың, 5-орынға &ndash; 10 мың және 6-орынға 5 мың доллардан беріледі. Одан бөлек, спортшылардың жеке жаттықтырушыларына да осындай көлемде сыйақы қарастырылған.</div> <div style="text-align: justify;"> &nbsp;</div> <div style="text-align: justify;"> Барлық сыйақы доллардың қазіргі курсы бойынша теңгемен беріледі. Бұл биылғы Олимпиадаға қатысушылар сыйақыны төрт жыл бұрынғы додада топ жарған спортшылардан екі жарым есеге көп алады деген сөз.</div> <div style="text-align: justify;"> &nbsp;</div> <div style="text-align: justify;"> Бүгінде Ұлттық банктегі бір доллардың теңгеге шаққандағы бағасы 380-ге тең. Соған орай, биыл Олимпиада чемпионы атанған қазақстандық спортшы 95 миллион теңге алады. Ал, Лондон Олимпиадасы өткен 2012 жылдың тамыз айында бір доллардың бағасы 149 теңге болып, &laquo;алтын&raquo; алғандарға 37 миллион 250 мың теңгеден берілген еді.</div> <div style="text-align: right;"> &nbsp;</div> <div style="text-align: right;"> <em>egemen.kz сайтынан</em></div>