Александр Бублик мансабындағы ең жоғары көрсеткішке жетті

Теннисшілер қауымдастығы (ATP) жаңартылған рейтингінде Қазақстанның бірінші ракеткасы Александр Бублик мансабындағы тарихи межеге жетті, деп хабарлайды Prosports.kz.

Жаңа тізім бойынша Бублик 16-орынға көтерілді. Бұл – оның карьерасындағы ең жоғары нәтиже. Бұған дейін ол 17-орыннан жоғары көтерілмеген еді.

Мұндай серпіліске Бубликтің Қытайдың Ханчжоу қаласында өткен ATP-250 турнирінде чемпион атануы себеп болды.

Әлемдік рейтингтің үздік үштігінде өзгеріс жоқ: көшті испандық Карлос Алькарас бастап тұр, екінші орында – италиялық Янник Синнер, үшінші орында – неміс Александр Зверев.

Қазақстандық теннисші Азия чемпионатында үшінші орынға ие болды

Бублик әлемдік рейтингте рекордтық орынға көтерілді

Қазақстандық теннисші Қытайдағы турнирде топ жарды