«Ұлытау» сапына Румыния чемпионатында өнер көрсеткен жартылай қорғаушы қосылды

32 жастағы украиналық футболшы Дмитро Юсов жезқазғандық «Ұлытау» ойыншысы атанды, деп хабарлайды Prosports.kz.

Meta-ratings.kz мәліметінше, жартылай қорғаушымен келісімшарт еркін агент мәртебесімен жасалды.

Қазақстанға келер алдында Юсов Украина, Беларусь және Румыния клубтарында өнер көрсетті. Оның карьерасында «Металлург», «Слуцк», «Торпедо-Жодино», «Ислочь», БАТЭ, «Черноморец» және «Металлист 1925» сынды командалар бар.

Өткен маусымды Юсов Румынияның «Униря Слобозия» клубында өткізіп, 22 матчқа қатысып, бір гол соқты.

Қазір «Ұлытау» 17 турдан кейін 13 ұпаймен турнир кестесінің 12-орнында тұр.