Геннадий Головкин шаршы алаңға сәуір айында шығады

<p style="text-align: justify;"> <strong>Бокстан WBA (Super), IBO, WBC (Interim) және IBF тұжырымы бойынша орта салмақтағы әлем чемпионы атағына ие отандасымыз Геннадий Головкин 23 сәуір күні шаршы алаңға шығады.</strong></p> <p style="text-align: justify;"> Қазақстандық боксшының промоутері Том Леффлер кезекті жекпе-жекті Нью-Йорктағы &laquo;Madison Square Garden&raquo; аренасында өткізу туралы өтініш беріп үлгерген. Әзірге қазақстандық боксшының қарсыласы белгісіз.</p> <p style="text-align: justify;"> Геннадий Головкин 23 сәуір күні жұдырықтасуы мүмкін боксшылардың бірі &ndash; Туреано Джонсон. 31 жастағы Багам аралдары өкілі IBF чемпиондық атағына міндетті үміткерлердің бірі. Сондай-ақ GGG менеджерінің таңдауы бойынша өзге боксшылар да бар. Оның бірі &ndash; британдық Билли Джо Сондерс. 26 жастағы боксшы Геннадий Головкинмен жұдырықтасу үшін берілетін ақшалай сыйақы мөлшеріне келіспеуде. Ал спорт сарапшылары британдық боксшының бұл қылығын &laquo;жеңіс үшін емес, тек ақша үшін жұыдырықтаспақ, жеңіліс табарын жақсы біледі&raquo; деп бағалап отыр.</p> <p style="text-align: justify;"> WBC осыған дейін Геннадий Головкин мен Сауль Альварестің &nbsp;кездесуін міндеттеген болатын. Кейіннен екі боксшы да өзара жұдырықтасар алдында бір-бір жекпе-жек өткізіп алуға келіскен еді. Боксшылардың командасы мамыр айының соңына дейін бір-бірімен келіссөздер жүргізіп, кездесу уақытын белгілеулері тиіс. Алдын ала болжанғандай, Головкин мен Альварес арасындағы шаршы алаңдағы шайқас 2016 жылдың қыркүйек айында өтуі мүмкін.</p> <p style="text-align: justify;"> Айта кетейік, Геннадий Головкин 2015 жылдың қорытындысы бойынша көптеген танымал басылымдар рейтингінде жылдың үздік спортшысы ретінде танылған-ды. Соңғы рет WBN нұсқасы бойынша үшінші рет "Жыл боксшысы" атанған болатын. &nbsp;</p> <div> Massaget.kz сайтынан</div>