Евгений Павлов АҚШ-тағы жекпе-жегіне дайындықты бастады

Қазақстандық жеңіл салмақтағы боксшы Евгений Павлов (10-0, 8 КО) кәсіпқой рингке қайта оралуға дайындалып жатыр, деп хабарлайды Prosports.kz.

Өткен айда Павлов американдық CES Boxing промоутерлік компаниясымен келісімшартқа отырды. 19 шілдеде Коннектикут, АҚШ-тың Ункасвилл қаласында жекпе-жек өткізуді жоспарлап отыр. Оның қарсыласының есімі әлі жарияланған жоқ.

Сауль «Канело» Альвареспен бір залда жаттығу тәжірибесі бар Евгений Павлов 2023 жылдың мамыр айынан бері кәсіпқой рингте жұдырықтаспады.