Қазақстан жастар құрамасы ЕУРО-2027 іріктеу кезеңін бастайды: ойыншылар тізімі жарияланды

Қазақстан U-21 құрамасының аға бапкері Денис Мамонов 2027 жылғы Еуро-2027 іріктеу кезеңіндегі алғашқы ойынға шақырылған футболшылардың тізімін жариялады, деп хабарлайды Prosports.kz тілшісі ҚФФ баспасөз қызметіне сілтеме жасап.

5 маусым күні Қазақстан U-21 құрамасы іріктеу кезеңін Андорра жастар құрамасына қарсы ойынмен бастайды. Матч 5 маусым күні «Астана Арена» стадионында 19:30-да өтеді. 

Айта кетейік, жастарымыз D тобында Англия, Ирландия, Словакия, Молдова және Андорра құрамаларына қарсы ойнайды.

Команданың оқу-жаттығу жиыны 1 маусымда Астанада басталады. Тізімге 25 футболшы енді.

Қазақстан U-21 жастар құрамасына шақырылған ойыншылар тізімі:

Қақпашылар: Санжар Ерниязов («Атырау»), Мирас Рихард («Ертіс»), Дулат Талыспаев («Кёге», Дания);

Қорғаушылар: Сұлтан Асқаров («Жетісу»), Рамазан Кәрімов («Жетісу»), Санжар Ануаров («Астана»), Александр Мигунов («Шахтер»), Эльхан Сандов («Шахтер»), Александр Мрынский («Қайрат»), Әли Тұрғанов («Оңтүстік»), Әлихан Серікбай («Каспий»);

Жартылай қорғаушылар: Әбинур Нұрымбет («Тұран»), Вячеслав Раскатов («Ертіс»), Дархан Бердібек («Ақтөбе»), Олжас Байбек («Қайрат»), Мирас Көбеев («Ислочь», Беларусь), Нұрәли Жақсылық («Астана»), Мұхаммед Еңсебаев («Сеута Б», Испания), Давид Есімбеков («Жетісу»), Хамза Мұхаметәли (AKAS);

Шабуылшылар: Артем Литош («Хан-Тәңірі»), Глеб Валгушев («Қызылжар»), Ян Труфанов («Атырау»), Мағжан Тоқтыбай («Оңтүстік»), Рамазан Бағдат («Қайрат»).