Александр Бублик тұңғыш рет «Мастерс» турнирінде ТОП-10 ойыншысын жеңді

Әлемнің 75-ракеткасы, қазақстандық теннисші Александр Бублик «Мастерс» сериясындағы турнирде алғаш рет ТОП-10 ойыншысын жеңді, деп хабарлайды Prosports.kz.

Мадридте (Испания) өтіп жатқан жарыстың үшінші айналымында Бублик әлемнің 8-ракеткасы, ресейлік Андрей Рублёвты 6:4, 0:6, 6:4 есебімен ұтты.

Бұған дейін Бублик ТОП-10 теннисшілерімен болған жеті матчтың бәрінде жеңілген еді. Айта кетейік, Рублёв Мадрид турнирінің қазіргі чемпионы болатын.

Төртінші айналымда Александр Бублик америкалық Бен Шелтон мен чехиялық Якуб Меншик арасындағы матчтың жеңімпазымен кездеседі.