Қазақстандық төрешілер U19 Еуропа чемпионатының іріктеу матчтарында жұмыс істейді
Қазақстандық төрешілер Болат Сариев пен Сергей Васютин және Саят Қарабаев пен Дмитрий Белоградов 19 жасқа дейінгі Еуропа чемпионатының іріктеу ойындарына тағайындалды, деп хабарлайды Prosports.kz.
Турнир 19-25 наурыз аралығында Италия және Грузияда өтеді.
Франция мен Латвия жастар құрамалары арасындағы кездесудің бас төрешісі болып Болат Сариев тағайындалды. Оған Сергей Васютин мен италиялық Алессио Берти көмектеседі. Төртінші төреші қызметін Лука Дзуфферли (Италия) атқарады. Сондай-ақ 25 наурызда өтетін Латвия U-19 - Испания U-19 матчында қазақстандық төрешілер тобы жұмыс істейді.
Сергей Васютин 19 наурыз күні Италия мен Латвия құрамалары арасындағы ойынға бас төреші көмекшісі болып тағайындалды. Төртінші төреші болып Болат Сариев жұмыс істейді.
Словакия U-19 мен Грузия U-19 құрамалары арасындағы кездесудің бас төрешісі болып Саят Қарабаев тағайындалды. Оған Дмитрий Белоградов мен хорватиялық Лука Пушич көмектеседі. Төртінші төреші қызметін Анте Чулинв (Хорватия) атқарады.
Сондай-ақ 19 наурызда өтетін Грузия U-19 - Қаратау U-19 матчында қазақстандық төрешілер тобы жұмыс істейді.