Лорен Прайс аңыз спортшыны жеңді

Әйелдер боксының аңызы, 40 жастағы Наташа Джонас (19-3-1, 9 KO) Лорен Прайспен (9-0, 2 KO) жекпе-жек өткізді, деп хабарлайды Prosports.kz тілшісі Sport+ сайтына сілтеме жасап.

Кездесуде әйелдер арасындағы жартылай орта салмақтағы (66,7 келіге дейін) IBF, WBA және WBC белбеулері сарапқа салынды.  

Жекпе-жек Прайстың жеңісімен аяқталды — ол төрешілердің бірауызды шешімімен (98:93, 100:90, 98:92) жеңіске жетті.  

Енді бұрынғы Олимпиада чемпионы үш негізгі белбеудің иегері атанды. Ал WBO титулы америкалық Микейла Майерге (17-0, 5 KO) тиесілі.