«Жеңіс» македониялық ойыншымен келісімшартқа отырды

Елордалық «Жеңіс» 26 жастағы македониялық шабуылшы Эрдон Дацпен келісімшартқа отырды, деп хабарлайды Prosports.kz.

Эрдон македониялық «Вардар» футбол клубының түлегі. 19 жасында түріктің «Коньяспор» командасына ауысып, Түркияның жоғарғы дивизионында 42 матч өткізген. Одан кейін бельгиялық «Вестерло» клубында ойнады. Ол 25 матчта 10 гол соғып, Бельгияның екінші дивизионында жеңіске жетіп, команданың көтерілуіне көмектесті. 

Ол «Вестерло» үшін Бельгияның жоғарғы дивизионында екі маусым ойнады. Ол сонымен қатар бельгиялық «Васланд-Беверен» және «Дейнзе» клубтарында ойнады. Македония жастар құрамасының бұрынғы ойыншысы. 2023 жылы Македония құрамасы сапында бір ойын өткізіп, дебюттік ойында гол соқты.