Қазақстандық теннисші АҚШ-тағы турнирдің бірінші айналымында жеңіліп қалды

Қазақстандық теннисші Александр Бублик Индиан-Уэллстегі турнирдің бірінші айналымында жапониялық спортшы Йосуке Ватанукиден 3:6, 6:3, 3:6 есебімен жеңіліп қалды, деп хабарлайды Prosports.kz.

Кездесу 1 сағат 38 минутқа созылды.

Келесі айналымда Ватануки Томаш Махачпен кездеседі.

Индиан-Уэллстегі турнир 5-16 наурыз аралығында өтеді. Жарыстың жүлде қоры 13 042 410 доллар. Былтырғы турнирдің жеңімпазы испаниялық теннисші Карлос Алькарас.