Қазақстандық теннисші Франциядағы турнирдің ширек финалына шықты

Қазақстандық теннисші Денис Евсеев словакиялық Лукас Покорныймен бірге, Тьенвилльдегі (Франция) Челленджер турнирінің жұптық сынында ширек финалға шықты, деп хабарлайды Prosports.kz.

1/8 финалда Евсеев пен Покорный франциялық Саша Гаймар-Вайенбург пен Люка ван Ашеммен кездесіп, оларды екі сетте – 6:3, 7:6 есебімен жеңді.

Кездесу 1 сағат 17 минутқа созылды.

Тьенвиллдегі турнирдің жүлде қоры 91 250 еуро. Жарыс жеңімпазы 12 980 еуро жинап, 75 рейтингтік ұпайға ие болады.