ҚПЛ клубы сербиялық жартылай қорғаушымен келісімшарт жасасты

Көкшетаулық «Оқжетпес» сербиялық жартылай қорғаушы Никола Цуцкичті қатарына қосқанын мәлімдеді, деп хабарлайды Prosports.kz.

«Никола Цуцкич – «Оқжетпес» футбол клубының ойыншысы!

Сербиялық жартылай қорғаушы «Оқжетпес» футбол клубымен келісімшартқа қол қойды.

Никола – Қазақстан біріншілігінде бірнеше жыл ойнаған тәжірибелі ойыншы. Цуцкич бұған дейін ҚПЛ-дың «Ақтөбе», «Жетісу» және «Каспий» секілді клубтарында өнер көрсетті. Айта кетейік, Никола өткен маусымды «Тұран» сапында өткізді», - деп жазды клуб баспасөз қызметі.