Рой Джонс тарихтағы ең үздік бес боксшыны атады

Бес салмақ дәрежесі бойынша бұрынғы әлем чемпионы, аты аңызға айналған кіші Рой Джонс тарихтағы ең үздік 5 боксшыны атады, деп хабарлайды Prosports.kz.

«Тарихтағы ең үздік 5 боксшының рейтингін жасау өте қиын. Біріншісі Мұхаммед Али болады. Содан кейін, әрине, мен және Майк Тайсон. Сосын Шугар Рэй Робинсон мен Насим Хамедті айтуға болады», - деді Джонс Rukh Entertainment YouTube арнасына берген сұхбатында.

Айта кетейік, Рой Джонс 1989 жылдан 2018 жылға дейін кәсіпқой деңгейде өнер көрсеткен. Америкалық кәсіпқой рекордында 66 жеңісі бар, оның 47-сі мерзімінен бұрын, 10-ында жеңіліс тапқан. Ол Олимпиада ойындарының күміс жүлдегері.