«Қайсардың» бұрынғы қорғаушысы клуб ауыстырды

28 жастағы черногориялық қорғаушы Йован Пайович «Тұран» сапына ауысты, деп хабарлайды Prosports.kz.

«Ресми: Йован Пайович «Тұран» ойыншысы!🇲🇪 Черногориялық орталық қорғаушы Йован Пайович Тұран сапын толықтырды.

Йован өз мансабын черногориялық «Единство» сапында бастаған. Өзінің клубтық мансабында черногориялық «Морнар», «Подгорица», «Езеро» сынды командаларда доп тепкен. Мальта чемпионатында «Биркиркара» ұжымында 2022 жылы болып, 2023 жылы қызылордалық «Қайсар» сапында өнер көрсетті», - делінген клуб хабарламасында.