«Ордабасы» тағы бір легионерді қатарына қосты

«Ордабасы» тағы бір легионерді қатарына қосты, деп хабарлайды Prosports.kz 

Шымкенттік клуб хорватиялық жартылай қорғаушы Дарио Чанаджиямен келісімшартқа отырғанын хабарлады.

30 жастағы футболшы өткен маусымда Румынияның «Бузэу» командасында доп тепті.

Халықаралық деңгейде жартылай қорғаушы Хорватияның жасөспірімдер және жастар құрамаларының намысын қорғаған. Ол U-19 құрамасында 14 матч, U-20 командасында 5 ойын өткізсе, U-21 сапында 2 кездесуге қатысып, 2 голдың авторы атанған.