«Қайрат» бас бапкері оқу-жаттығу жиындарындағы сәтсіз нәтиже туралы пікір білдірді

«Қайраттың» бас бапкері Рафаэль Оразбахтин Түркиядағы оқу-жаттығу жиындарында команда жеңіске жете алмауына қатысты пікір білдірді, деп хабарлайды Prosports.kz тілшісі Meta-ratings.kz сайтына сілтеме жасап.

«Жиындарда біз басқа мақсаттарды көздедік. Жеңіс маңызды, бірақ біз үшін ойынның мазмұны маңыздырақ болды.

Атқарылған жұмысқа көңіліміз толады. Барлық жеңістерді чемпионатқа сақтадық деп ойлаймын», — деді маман.

Еске салайық, Түркиядағы оқу-жаттығу жиындарында «Қайрат» бірде-бір жеңіске жете алмады. Команда бес матчта жеңіліп, екі кездесуде тең түсті.