Жеңіліп көрмеген қазақстандық боксшының келесі қарсыласы анықталды

Қазақстандық боксшы Жолдас Жеңісов (7-0, 2 КО) 23 ақпанда кәсіпқойлар арасындағы кезекті жекпе-жегін өткізеді, деп хабарлайды Prosports.kz.

Жеңісов Ақтауда өтетін бокс кешінде пәкістандық Надир Балохпен (12-1, 9 КО) кездеседі. Жартылай жеңіл салмақтағы жекпе-жек сегіз раундқа жоспарланған.

Жолдас кәсіпұойлар арасындағы кейінгі жекпе-жегін 8 маусымда өткізіп, өзбекстандық Сохбозбек Толибжоновты (2-2, 1 КО) төрешілердің бірауыздан қабылдаған шешімімен жеңген болатын. Кейін Жолдас желтоқсан айында Қазақстан чемпионатына қатысып, 1/8 финалда жеңіліп қалған еді.