Головкин мен Альварес өз белбеулерін ерікті түрде қорғай алады

<p style="text-align: justify;"> <strong>Дүниежүзілік бокс кеңесі (WBC) қазақстандық кәсіпқой боксшы Геннадий Головкин мен мексикалық Сауль &laquo;Канело&raquo; Альварес арасындағы жекпе-жекке қатысты шешім шығарды.</strong></p> <p style="text-align: justify;"> WBC ұйымының шешімімен екі боксшы өздері қалаған боксшыға қарсы белбеулерін ерікті түрде бір рет қорғай алады, сонан соң өзара жекпе-жек өткізу жайын келісуі тиіс. Ол үшін екі тарапқа да 31 мамырға дейін уақыт беріледі. Егер екі команда келісімге келе алмаса, промоутерлік сауда жүргізіледі. Саудада жеңген тарап кездесуді ұйымдастырады.</p> <p style="text-align: justify;"> &laquo;Альварес пен Головкин өз белбеулерін ерікті түрде өздері қалаған боксшыға қарсы қорғауы тиіс. Осылайша, бокссүйер қауымның екі боксшының жекпе-жегіне деген қызығушылығы арта түседі. Егер тараптар келісімге келе алмаса, сауда ұйымдастырамыз. Сонан соң WBC чемпионы белбеуіне өзара жекпе-жек өткізуден бас тартқан тарап белбеуден айрылады&raquo;, - деп жазылған WBC ұйымының ресми сайтында.</p> <p style="text-align: justify;"> Айта кету керек, Геннадий Головкин өткен жылдың қазан айында мексиколық Марко Антонио Рубиодан WBC белбеуінің уақытша чемпионы атағын жеңіп алғаннан кейін Альвареске тиесілі толыққанды чемпиондық белбеуден бірден-бір үміткер саналады.</p> <p style="text-align: justify;"> &nbsp;</p> <p style="text-align: justify;"> BNews.kz материалы бойынша</p>