«Шахтердің» қарызы шаш-етектен. Қашан жабатыны белгісіз
«Шахтер» атқарушы директоры Талғат Дүйсеков қарағандылықтардың қарыздары туралы айтты, деп хабарлайды Prosports.kz тілшісі SARYARQA TV арнасына сілтеме жасап.
«Менің білуімше, бұл қарыздар бізбен көптеген жыл бойы бірге келеді. Қазіргі таңда оның мөлшері - шамамен 200-215 миллион теңге. Оның 180 миллионы – бюджетке қатысты қарыздар: өсімпұл, салықтар және тағы басқа төлемдер. Қалғаны – кредиторлық қарыз, ол уақыт өте келе, яғни, үлкен ықтималдықпен биыл, үш жыл мерзім өткен соң есептен шығарылады. Мен бұл жерге келгенде облыс басшылығы қолдау көрсетемін деп уәде еткен. Бұл мәселе бойынша түсініктеме бере алмаймын, бірақ бұл қарыздар жабылады деп үміттенемін. Неге? Өйткені олар бізге айтарлықтай кедергі келтіріп отыр. Шешім қабылдау процестерін тежейді. Тексеру органдары берген белгілі бір ұсыныстар бар, бірақ біз белгілі бір әрекеттерді орындай алмаймыз – бұл біздің қолымызды байлап отыр», – деді ол.
Еске сала кетейік, 2024 жылғы маусым қорытындысы бойынша қарағандылық клуб КПЛ турнирлік кестесінде соңғы орын алған.
2025 жылғы маусымда «Шахтер» Бірінші лигада өнер көрсетеді.