Қазақ күресінен әлем чемпионаты Үндістанда өтеді

2025 жылғы 25-27 ақпан күндері аралығында Үндістан мемлекетінің Дели қаласында қазақ күресінен ересектер арасында Әлем чемпионаты өтеді, деп хабарлайды Prosports.kz 

Дүбірлі додаға әлемнің 20-дан астам мемлекетінің 200-ге жуық балуаны қатысады.

Екі күнге созылатын чемпионатының бағдарламасына сәйкес, спортшылар (ерлер мен әйелдер) 16 салмақ дәрежесінде кіл мықтыны анықтайды. 

Екіжылдықтың басты додасында ел намысын қорғайтын ұлттық құрама командасының сапында Бекжан Төлепов, Жұмажан Қожамбеков, Мұзаппаров Ерсұлтан, Нұрдәулет Жарылғапов, ⁠ Сарипова Зарина, Нұрмахамметова Рауза және Нысантайқызы Роза сынды үздіктер бар.