«Қызылжар» жолдастық матчта тең түсті

Түркияның Анталия қаласында өтіп жатқан оқу-жаттығу жиынында «Қызылжар» босниялық «Слога Добой» командасына қарсы жолдастық матч өткізді, деп хабарлайды Prosports.kz.

Кездесу 1:1 есебімен тең аяқталды. Қазақстандық команда сапындағы жалғыз голды 91-минутта қорғаушы Андрей Васильев соқты.

Добой қаласының клубы Босния және Герцеговина Премьер-лигасында 9-орында тұр.

«Қызылжар» да өткен маусымда ҚПЛ-да тоғызыншы орын алған еді.