Қазақстан жеңіл атлетикадан Астанада өткен әлемдік турнирде екі медаль жеңіп алды
Астанада World Athletics Indoor Tour Gold сериясының кезеңі аяқталды. Жеңіл атлетикадан әлемдік турнирде Қазақстан құрамасы екі медаль жеңіп алды.
Бұл жетістіктің авторлары – Елизавета Матвеева мен Игорь Косолапов. Екі спортшы да биіктікке секіруде үшінші нәтиже көрсетті.
Ал Давид Ефремов (60 метрге кедергілермен жүгіру), Дэйзи Джепкемей (3000 метр) және Надежда Дубовицкая (биіктікке секіру) жүлдеге бір қадам жетпей қалды.
"Өз елімізде өнер көрсетуді өте жақсы көремін, себебі бізде жанкүйерлердің ерекше ықыласы бар. Мұндай жарыстарда бұл қатты сезіледі. Әрине, адамдарға әлем жұлдыздарын көру қызық. Бірақ сонымен бірге біздің спортшыларымызға жанкүйер болып жатқанын сезесің. Бұл өте жағымды. Барлық жанкүйерлерімізге алғыс айтқым келеді. Алаңда болғандарға, теледидар алдында отырғандарға да рақмет айтамын.
Жүлдегерлер қатарына енбегеніме қарамастан, нәтижеме ризамын. Себебі бұл – маусымдағы алғашқы жарыс, дайындық қиын болды. Бірақ жақсы өнер көрсеттім деп айта аламын. Әрине, бұл менің ең жақсы нәтижем емес, бірақ жарақаттан кейін жүктелген міндеттерге дайындалуға мүмкіндігім болмады. Дегенмен, 184 сантиметрге секірдім. Өзімді мақтан тұтамын (күледі).
Осылайша, қысқы турнирлерде өнер көрсетуімді аяқтаймын. Дәрігерлермен, бапкерлермен кеңесе отырып, толық емделіп, жазғы маусымға дейін денсаулығымды жақсартуға және дайындалуға шешім қабылдадық. Жүктемелерді ағзам көтере алатындай етіп қабылдауға тырысамыз, әрі бұрынғыдай жарыстарды өткізіп алмауға жұмыс жасаймыз", – деді жабық алаңдағы әлем чемпионатының қола жүлдегері Надежда Дубовицкая.
Айта кетсек, Astana Indoor Meet for Amin Tuyakov Prizes жарысында барлық фавориттер жеңіс тұғырына көтеріле алмады. Мысалы, екі дүркін Олимпиада чемпионы Андре Де Грасс (Канада) және Олимпиада ойындарының күміс жүлдегері, үш дүркін әлем чемпионы Ниа Али (АҚШ) жүлдесіз қалды. Танымал кедергімен жүгіруші Али жарақатына байланысты іріктеу кезеңін сәтті аяқтай алмады.
"Өзімді керемет сезінемін. Қысқа қашықтықтағы спринт менің бағытым емес. Алайда нәтижеме ризамын. Өткен жылы да алтыншы орын алған едім (күледі). Мұнда болғаныма қуаныштымын. Жанкүйерлер өте керемет, көптеген адамдар суретке түсуімді сұрады… Азияда қаншалықты көп жанкүйер бар екенін білдім. Фантастикалық атмосфера. Ал өнер көрсетуге келсек, бәрі тамаша. Бұл тек бастамасы. Алда көптеген жарыс бар. Соның ішінде Токиода өтетін әлем чемпионаты. 100 және 200 метрге жүгіру жоспарымда бар. Барлығы енді басталды (күледі)”, – деді Андре Де Грасс.
Астанада барлығы 40 елден 100-ден астам спортшы қатысты. Төменде барлық нәтижелермен танысуға болады.
60 метр
Ерлер:
1.Кишейн Томпсон (Ямайка)
2.Али Анвар Аль Балуши (Оман)
3.Шухей Тада (Жапония)
Әйелдер:
1.Тиа Клэйтон (Ямайка)
2.Лорен Базоло (Португалия)
3.Тина Клэйтон (Ямайка)
60 метрге кедергілермен жүгіру
Ерлер:
1.Дилан Бирд (АҚШ)
2.Дамьян Чикер (Польша)
3.Роджер Ирибарн (Куба)
Әйелдер:
1.Юми Танака (Жапония)
2.Нооралотта Незири (Финляндия)
3.Клаудиа Войтуник (Польша)
400 метр
Ерлер:
1.Алекс Хэйдок-Уилсон (Ұлыбритания)
2.Эриксон Таварес (Португалия)
3.Чиди Окезие (Нигерия)
Әйелдер:
1.Сада Уильямс (Барбадос)
2.Ама Пипи (Ұлыбритания)
3.Вероника Дрлячич (Хорватия)
Биіктікке секіру
Ерлер:
1.Луис Ривера Кастро (Пуэрто-Рико)
2.Тобиас Потье (Германия)
3.Амир Нағаев (Өзбекстан)
4.Игорь Косолапов (Қазақстан)
Әйелдер:
1.Нагиса Такахаши (Жапония)
2.Солен Жикель (Франция)
3.Елизавета Матвеева (Қазақстан)
1500 метр (ерлер):
1.Кристиан Хансен (Дания)
2.Абдукерим Теки (Эфиопия)
3.Чарльз Гретхен (Люксембург)
3000 метр (әйелдер):
1.Марта Алемайо (Эфиопия)
2.Шито Гуми (Эфиопия)
3.Аксумавит Эмбайе (Эфиопия)
Ұзындыққа секіру (ерлер):
1.Лестер Лескай (Испания)
2.Маркиз Денди (АҚШ)
3.Айзек Граймс (АҚШ)
Үштік секіру (әйелдер):
1.Нея Филипич (Словения)
2.Шарифа Давронова (Өзбекстан)
3.Джесси Мадука (Германия)
Ядро итеру (әйелдер)
1.Чейз Джексон (АҚШ)
2.Фанни Роос (Швеция)
3.Элиана Бандейра (Португалия)
Сурет: Сали Сабиров ҰОК баспасөз қызметі