Денис Тен Golden Spin of Zagreb турнирінде көш бастап келеді

<p style="text-align: justify;"> <strong>Қазақстандық мәнерлеп сырғанаушы Денис Тен Golden Spin of Zagreb-2016 турнирінің қысқа бағдарламасын бірінші орынмен аяқтады.</strong></p> <p style="text-align: justify;"> Сочиде өткен Олимпиада ойындарының қола жүлдегері алғашқы бағдарламада 94,03 ұпай жинады. Қысқа бағдарлама қорытындысы бойынша екінші орынды 76,50 ұпаймен ресейлік Гордей Горшков алды. Үшінші орында 72,23 ұпаймен Адам Риппон тұр.</p> <p style="text-align: justify;"> Еске сала кетейік, былтыр Денис Тен Golden Spin of Zagreb 2014 сайысының жеңімпазы атанған болатын. Денис Тен көшбасшылар сапында өнер көрсетіп, қысқа бағдарламада - 92,51 балл жинады. Мәнерлеп сырғанаудың еркін бағдарламасында екінші деңгейлі нәтижеге қол жеткізіп, - 157,43 баллды еншіледі. Осылайша Денис Тен екі бағдарламаның қортындысы бойынша, - 249,94 балл жинап, бірінші орынды иеленді.</p> <p style="text-align: justify;"> Тengrinews.kz сайтынан</p> <div> &nbsp;</div>