Магомед Адиев Қазақстан құрамасының ӘЧ-2026 іріктеуіндегі мүмкіндігін бағалады

Қазақстан құрамасының бұрынғы бас бапкері Магомед Адиев әлем чемпионатының іріктеу турниріндегі жеребе нәтижелеріне қатысты өз пікірін білдірді, деп хабарлайды Prosports.kz тілшісі Sport+ сайтына сілтеме жасап.

Станислав Черчесов басқаратын Қазақстан құрамасы Лихтенштейн, Солтүстік Македония, Уэльс және Бельгия командаларымен бір топқа түсті.

«Қазақстанның мүмкіндіктерін бағалағым келмейді — бұл командасын және оның мүмкіндіктерін жақсы білетін бас бапкердің міндеті. Әрине, Бельгия басымдыққа ие, бірақ қазір барлық команда футбол ойнауды үйренген. Қазақстанның бәсекеге қабілетті болатынына және өз жанкүйерлерін қуантатынына сенемін, командаға шын жүректен жанкүйермін», — деді Адиев «ВсеПроСпорт» сайтына берген сұхбатында.

Сонымен қатар, Адиев бапкердің ауысуы командаға қалай әсер ететіні туралы да айтты.

«Әрине, бапкердің ауысуы командаға әсер етеді. Бірақ бұл шешімді Черчесовтың өзі және федерацияның жаңа президенті қабылдауы керек. Екі жақ үшін де дұрыс шешім болады деп сенемін», — деп түйіндеді Магомед Адиев.