ЦСКА мен «Аякстың» бұрынғы ойыншысы қазақстандық клубты басқаруы мүмкін

Украиналық бапкер Андрей Демченко «Қызылжардың» бас бапкері қызметіне негізгі үміткерлердің бірі ретінде қарастырылып жатыр, деп хабарлайды Prosports.kz сайты Meta-ratings.kz-ге сілтеме жасап.

48 жастағы маман мәскеулік ЦСКА, нидерландылық «Аякс», украиналық «Металлург» (Запорожье), «Ильчевец», «Оболонь» және молдавиялық «Дачия» командаларында ойыншы ретінде өнер көрсеткен. «Аякс» құрамында ол УЕФА суперкубогын және құрлықаралық кубокты жеңіп алды (екеуі де 1995 ж.). Ол Ресей жастар құрамасында ойнаған.

Андрей Демченко сонымен қатар «Металлург», «Верес», «Металлист 1925» және «Львов» (барлығы Украина), өзбекстандық «Обод» және грузиялық «Дила» командаларын жаттықтырған.

Айта кетейік, бұған дейін «Қызылжар» бас бапкерлікке Кирилл Кекер мен Милич Чурчичті қарастырған болатын. Петропавлдық команданың қазіргі бас бапкері Әли Әлиев командадан кетеді.