Азия чемпионаты: Қазақстандық боксшы жартылай финалға шықты

Қазақстандық боксшы Оразбек Асылқұлов Чиангмайда (Таиланд) өтіп жатқан Азия чемпионатында екінші жекпе-жегін өткізді, деп хабарлайды Prosports.kz.

Ол 57 келіге дейінгі салмақ дәрежесінде 1/4 финалда өнер көрсетті, оның қарсыласы жергілікті боксшы Пануват Чуджанат болды. Жекпе-жекте төрешілер шешімімен Асылқұлов жеңіске жетті. Осылайша ол жартылай финалда кем дегенде қола жүлде алады.

Айта кетейік, 1/8 финал кезеңінде Оразбек Аслқұлов малайзиялық Мохамад Зульхайланды екінші раундта техникалық нокаутпен жеңген болатын.