Оралдың «Ақжайығы» өз тобында көш бастап келеді

<p style="text-align: justify;"> <strong>Допты хоккейден Оралдың &laquo;Ақжайығы&raquo; &laquo;Жоғары лига&raquo; бүкілресейлік жарысының екінші тобында көш бастап келеді.</strong></p> <p style="text-align: justify;"> Ресей допты хоккей федерациясының сайтынан алынған мәліметке қарағанда, Дмитрий Иванниковтың шәкірттері Екатеринбургте 29 қараша күні &laquo;СКА-Свердловск&raquo; командасымен екінші кездесуінде де жеңіске жетті. Бірінші таймда оралдықтардан Павел Чебаков есеп ашса, ойынның екінші кезеңінде айдын иелерінен Дмитрий Фефелов таразы басын теңестірді. Дегенмен 75-минутта Максим Өтебалиев жеңіс добын соқты. Сөйтіп &laquo;Ақжайық&raquo; қарсыласын 2:1 есебімен тізе бүктірді.</p> <p style="text-align: justify;"> Төрт ойыннан кейін 9 ұпай жинаған батысқазақстандықтар турнир кестесінде бірінші орынға көтерілді. Дегенмен командалардың &nbsp; өткізген ойындары түрліше екендігін айта кетейік.</p> <p style="text-align: justify;"> &laquo;Ақжайық&raquo; келесі ойындарын 2-3 желтоқсанда &nbsp;Краснотурьинскіде жергілікті &laquo;Маяк&raquo; командасымен өткізеді. Қазіргі кезде екі ойыннан кейін 6 ұпай жинап, екінші орында тұрған &laquo;Маякты&raquo; Орал допты хоккейінің түлегі Олег Чернов жаттықтырады. Ал 12-13 желтоқсанда батысқазақстандықтар өз айдынындағы алғашқы кездесулерін &laquo;СКА-Свердловск&raquo; командасымен өткізеді. Биыл &laquo;Жастар&raquo; стадионында жасанды мұз айдынын салу жұмыстары басталғалы отыр. Сондықтан бұл ойындар Зачагандағы &laquo;Ақжайық&raquo; допты хоккей клубының қосымша алаңында өтеді деп күтілуде. &nbsp;</p> <div> &nbsp;</div>