«Қазақстан барысы-2024» турнирінің жеңімпаздары қанша сыйақы алады
Астана қаласында Республика күніне орай, қазақ күресінен өтетін «Қазақстан барысы-2024» республикалық турнирінің жеңімпаздарына қанша сыйақы берілетіні белгілі болды.
Нақтырақ айтсақ, 1-орын алған палуанға — 15 000 000 теңге берілсе, 2-орын алған спортшы — 3 300 000 теңгеге иелік етеді. Ал 3-орынға қол жеткізген палуан — 1 080 000 теңге көлемінде сыйақы алады.
Сонымен қатар әр балуан әр белдесуде жеңіске жеткені үшін тағы 100 000 теңгеден алып отырады.
Жалпы «Қазақстан барысы — 2024» республикалық турнирдің жүлде қоры 27 100 000 теңге.
Аталған турнирде жеңіске жеткен балуандардың бапкерлері де сыйақысыз қалмайды. 3 720 000 теңге спортшылардың жаттықтырушыларына беріледі.
Марапаттау рәсімінен кейін турнир жеңімпазымен баспасөз конференциясы өтеді.
Айта кетейік, барша спорт сүйер қауым үшін жарысқа кіру — тегін болады. Сонымен қатар көрермендер үшін ұлттық стильде безендірілген ойын-сауық аймағы ұйымдастырылады, онда асық ату, арқан тарту, тоғызқұмалақ және басқа да ұлттық ойындарын ойнауға болады.
Аталған ірі дода 26 қазан күні «Барыс-Арена» стадионында өтеді