«Барыс» хоккей клубының бюджеттен қанша қаражат алғаны белгілі болды

6 жыл ішінде «Барыс» ХК бюджеттен 100 миллиардқа жуық қаражат алған, деп хабарлайды Prosports.kz 

Қазақстан Республикасы Сыбайлас жемқорлыққа қарсы іс-қимыл агенттігінің офицері Арайлым Мылтықбаева өткен алты жыл ішінде бұрынғы басшылық кезінде астаналық клубтың шығындары туралы ақпаратпен бөлісті. 

Мылтықбаева осы жылдар ішінде «Барыс» 100 млрд теңгеге жуық бюджет қаражатын жұмсағанын мәлімдеді. Офицер сонымен қатар «ақша қалай болса солай жұмсалғанын» растады. 

Естеріңізге сала кетейік, осы жылдың 9 қазанында Борис Иванишев бас директор қызметінен кетті, ал 17 қазанда Нұрлан Оразбаев бұл қызметке тағайындалды, ол бірінші күннен бастап клуб жүйесіне түбегейлі өзгеріс енгізді. Тазалау сонымен қатар «Снежные Барсы» жастар командасы мен «Номад» фарм-клубына да қатысты. 

Айта кетейік, «Барыс» ҚХЛ тұрақты чемпионатының 18 матчында 9 ұпай жинап, Шығыс дивизионының турнир кестесінде соңғы орында келеді.