Неймар «Алтын допқа» лайық ойыншыны атады
«Әл-Хиләлдің» бразилиялық шабуылшысы Неймар 2023/24 маусымының қорытындысы бойынша әлемнің ең үздік футболшысы марапатын «Реал Мадрид» футболшысы Винисиус Жуниорға берілуі керек деп санайды, деп хабарлайды Prosports.kz.
«Мен Винисиусты қолдаймын. Оған одан артық ешкім лайық емес. Ол күрескер, өмір бойы көп зардап шекті, ол бар үмітті ақтап, барлық сынды жеңді және бүгін ол біз үшін кумирге, қаһарманға айналды», - деп келтіреді Неймардың сөзін журналист Фабрицио Романо.
Өткен маусымда 24 жастағы Винисиус «Реалмен» Испания чемпионатын, ел Суперкубогын және Чемпиондар лигасын жеңіп алды. Ол мадридтік команда сапында 39 матчта 24 гол соғып, 11 нәтижелі пас берді.
«Алтын допты» табыстау рәсімі 28 қазанда Парижде өтеді.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или