QFL Премьер-лигасының 22-тур ойындары өтеді
QFL Премьер-лигасының кезекті тур ойындары өтпек, деп хабарлайды Prosports.kz
3-4 қазан күндері QFL Премьер-лигасының 22-тур ойындары өтеді.
Турдың алғашқы ойыны Петропавлда «Қызылжар» мен «Ордабасы» арасында өтеді. «Қызылжар» үшін жеңсе де, жеңілсе де турнир кестесіндегі жағдайы өзгермейді. Ал шымкенттіктердің чемпиондық жолындағы мотивациясы жоғары.
Турнир көшбасшысы «Елімай» сырт алаңда «Жетісумен» ойнайды. Талдықорғандықтар 13 матч бойы жеңіссіз келе жатыр, ал «Елімай» чемпиондық үшін соңғы турға дейін күреспек.
«Ақтөбе» мен «Қайрат» арасындағы орталық ойында «Ақтөбе» өз алаңында жанкүйерлерін тағы қуантпақ. Екі ұжым да чемпиондыққа таласуда, жеңілгені жүлдеге ілігу мүмкіндігінен айырылуы мүмкін.
Барлық ойындарды QFootball.kz, QFL.KZ сайттарынан, Q Football, Qazsport, Sport Plus Qazaqstan телеарналарынан және QFootball мобильді қосымшасынан тікелей эфирде тамашалай аласыздар!
Айта кетейік, «Астана» - «Шахтер» кездесуі елордалық клубтың еурокубоктарға қатысуына байланысты 16 қазанға ауыстырылды