Соня Жиенбаева екінші мәрте ITF World санатындағы турнирдің чемпионы атанды

18 жастағы Соня Жиенбаева (781 WTA) Мадридте өткен ITF World Tennis Tour W 15 турнирінің чемпионы атанды.

Финалда Жиенбаева ұлыбританиялық Элис Гилианды (668 WTA) 6:1, 5:7, 6:1 есебімен жеңді. Бұған дейін спортшы турнирдің бірінші, үшінші және бесінші ракеткаларын да жеңді.

2024 жылы 30 қыркүйекте, дүйсенбіде WTA-ның жаңартылған рейтингісінде Соня Жиенбаева өзі үшін рекордтық орынға, яғни 753-ке бір-ақ көтеріледі. Бұл - Жиенбаеваның өз мансабындағы ересек әйелдер туры аясындағы екінші олжасы. Ол бұған дейін Антальяда өткен турнирде жеңімпаз атанған болатын.