«Барыстың» екі шабуылшысы жарақат алғандардың тізіміне енді

«Барыстың» баспасөз қызметі шабуылшылар Коннор Смит пен Руслан Оспановтың жарақат алғандардың тізіміне ауыстырылғанын хабарлады, деп жазады Prosports.kz.

Екі ойыншы да алдағы матчтарға қатыса алмайды.

Хоккейшілердің жарақатының сипаты әлі жарияланған жоқ.

Америкалық Смит осы маусымға дейін «Барысқа» ауысып, команда сапында тоғыз матч өткізді. Ағымдағы тұрақты маусымда Оспановтың еншісінде алты ойын және бір гол бар.