Қазақстан құрамасы көшбасшысының клубы РПЛ матчында жеңіліп қалды

Мәскеуде ЦСКА футболшылары Ресей чемпионатының 10-турындағы матчта грозныйлық «Ахматты» қабылдап, ірі есеппен жеңіске жетті (3:0), деп хабарлайды Prosports.kz.

Аббосбек Файзуллаев пен Келлвен қонақтардың қақпасына бір голдан соқты. Сондай-ақ Дарко Тодорович өз қақпасына автогол соғып алды.

Айта кетейік, Қазақстан құрамасының шабуылшысы мен «Ахмат» шабуылшысы Максим Самородов алаңға негізгі құрамда шығып, кездесудің 84-минутында ауыстырылған болатын.